Aurkezpena Juan Manuel Rubio Guembe Fundazioko lehendakariaren eskutik. David Galvez Pintadok, bertsio berriaren konpositore eta Iruñeko Ganbera Abesbatzaren zuzendari artistikoak, egindako eta Erdi Aroko erromesaldi kantuetan eta Manuel Maestro Abellánen testu berrietan oinarritutako lan musikala azalduko du.
Obanosko Misterioa formatu handiko antzezpena da, erlijiozkoa (auto sakramentalaren tankerakoa), 1965ean estreinatua eta 2000. urtetik Obanosko Foruen Plazan antzezten dena.
«Fundación Misterio de Obanos» fundazioak antolatzen du eta herriko bizilagunek parte hartzen dute figurante gisa, antzezle profesional edo amateurrekin batera, antzezlaneko pertsonaia nagusiei bizia emanez. Obanoseko misterioa 2001ean izendatu zuten Interes Turistiko Nazionaleko Festa. 1965ean, Informazio eta Turismo Ministerioaren «Elxeko misterioa» aparteko saria jaso zuen. 1993an Nafarroako Jaialdietan parte hartu zuen eta 2021ean Vianako Printzea Kultura sarietarako hautagaia izan da.
Misterioaren eszena- eta musika-berrikuntza Misterio de Obanos Fundazioaren proiektuaren parte da, eta 2022an eszenaratzea aurreikusten du.
Obanosko Misterio Fundazioak Nafarroako Gobernuaren, Galiziako Xuntaren, Baluarte Fundazioaren, Nafarroako Orkestra Sinfonikoaren, Iruñeko Ganbera Abesbatzaren, Obanosko Udalaren, Obanosko San Juan Bataiatzailearen Parrokiaren, Arnotegiko Ermitaños Elkartearen eta Nova Lux Artean elkartearen babesa du.